31.Achieve your dreams🔥🔥| YOU NEED TO WATCH THIS | EPISODE – 2

 

                                        Achieve your dreams🔥🔥

          அந்தமானில் சுமார் இரண்டாயிரத்து ஐநூறு ஆண்டுகளாக இருக்கக்கூடிய ஜராவா பழங்குடியின (Jarawa Tribe) மக்களில் ஒருவரிடம் சென்று உன்னை நான் ஊக்குவிக்கிறேன் (I want to motivate you) என்று கூறினால், அவன் சிரித்துக்கொண்டே இருப்பான். அவனை ஊக்கப்படுத்தி (Motivate) பண்ணி என்ன பண்ணப்போகிறீர்கள்? இதுவரை அவன் என்ன செய்து கொண்டிருக்கிறானோ அதைத்தான் செய்யப்போகிறான்? ஒரு பழங்குடியினனுக்கு இரண்டாயிரத்து ஐநூறு ஆண்டுகளில் என்ன ஊக்கம் வந்துவிடப்போகிறது?  நீங்கள் என்னதான் ஊக்குவித்தாலும் செய்தாலும் அவன் செய்ய வேண்டிய காரியம் மிகவும் எளிமையான ஒன்றே ஒன்றுதான். அவன் வாழ வேண்டிய காரணமும் எளிமையே. தினமும் காலையில் கண்விழித்ததும், தனக்கும், தன்னைச் சார்ந்தோருக்கும் உணவைத்தேட வேண்டும். அதைச் சாப்பிட வேண்டும். தன்னுடைய உயிரைப் பாதுகாத்துக்கொள்ள வேண்டும். அடுத்த வேளை சாப்பிடுவதற்கு முன்னேற்பாடுகளைச் செய்து தயாராக வேண்டும். அவன் திட்டத்தை பெரிதாக்க வேண்டும். எண்ணிக்கையைக் கூட்டினால்தான் பலம் என்பது அரசியல்வாதிகளுக்கு மட்டுமில்லை. எல்லா பழங்குடியினருக்கும் தெரியும். இந்த காரணத்தாலேயே அவர்களின் முதல் கடவுள் “இனப்பெருக்க உறுப்பு” என்பதாகத்தான் இருக்கும். நாம் Link cult என்று சொல்கிறோம். இவை எல்லாமே நாம் “தோட்டம்” என்று சொல்வோம். எல்லாமே இனப்பெருக்கம் சார்ந்த உறுப்புகளாகவும், அவை சார்ந்த காரணங்களாகத்தான் இருக்கும். ஏனெனில் அவர்கள் எண்ணிக்கையில் கூடுதலாக இல்லையெனில், தாங்கள் அழிந்து, ஒழிந்து போய்விடுவோம் என்பதை நன்கு அறிவர். நாம் ”மக்கள் தொகை கூடிவிட்டது.. ஆகவே, மக்கள் தொகை கட்டுப்பாடு..” என்றெல்லாம் கூறுகிறோம். ஆனால், இரண்டாயிரத்தைநூறு ஆண்டுகளுக்கும் முன்னர் ஒரு பழங்குடியினனும் ”மக்கள்தொகை பெருகிவிட்டது” என்று கூறியிருக்க மாட்டான். ஏன் அப்படி? காரணம், எண்ணிக்கை எவ்வளவு கூடுதலாக இருக்கிறதோ.. அதுவே அவர்களின் பலம் என்று கருதியதால்தான்! ஆக, மறுநாள் காலையிலும் வழக்கம்போல் உணவுத்தேடல் மற்றும் அதற்கான முன்னேற்பாடுகளைத் தொடர்வதே அவனது வழக்கம். அவனை ஊக்கப்படுத்துவதால் இங்கே ஆக வேண்டிய காரியங்கள் ஒன்றுமே இல்லை. இதிலிருந்து நாம் புரிந்துகொள்ள வேண்டியது என்னெவென்றால், ’ஊக்குவித்தல்’ என்பது “Modern Concept (நவீனகால கருத்தாக்கம்)” மட்டுமே. யார் இருந்தாலும் இல்லாவிட்டாலும் தானாக வாழக்கூடிய திறன் பழங்குடியினரிடத்தில் உள்ளது. அங்கே சார்பியல் (Dependence)   வாழ்வுமுறை இல்லை. ஆனால், இன்றைய நம் வாழ்வியலானது, ஒருவருக்கொருவர் தொடர்புடையதாகவும் (Inter connected), சார்புத் தன்மையுடனும், அமைந்திருக்கிறது. யாராவது இல்லாது போனால், ஒருவர் இல்லையென்கிற சார்புத்தனமான வாழ்வியல் நமக்கு கட்டமிக்கப்பட்டு விட்டது. ஆகவே, இத்தகைய வாழ்வியலில்தான் ஊக்குவிப்பின் பங்களிப்பு அவசியமாகிறது. ஏனெனில் எல்லோரும் ஒரே பங்களிப்பை அளிப்பதில்லை. ஆனால், பழங்குடியினர் அவ்வாறு இல்லை. அவர்கள் எல்லோரும் ஒரே மாதிரியான பங்களிப்பையே செய்வர். அவர்கள் எல்லோருமே கையில் கத்தி வைத்திருப்பர். வேட்டையாடச் செல்வர். எல்லோருமே சமையல் செய்வர். ஆனால், நாம் அவ்வாறு இல்லை. இராணுவம், இராணுவத்தினர் என்று எடுத்துக்கொண்டால் அவர்களிடத்தில் எத்தனை வகையான வேறுபட்ட பங்களிப்பு இருக்கின்றன?! ஒருவர் வயர்லெஸ் வைத்திருப்பார். இன்னொருவர் இஞ்ஜினியர், வேறொருவர் மருத்துவத்தைக் கவனிப்பார். மற்றொருவர் துப்பாக்கி வைத்திருப்பார். வேறு சிலர் Canon, Flight வைத்திருப்பர். இத்தனை பேரும் ஒருங்கிணைந்து செயல்பட்டால்தான் போரில் வெற்றி கொள்ள முடியும். அப்படிச் செய்பவரைத்தான் நான் மதிக்கிறேன். அந்த குறிப்பிட்ட பணியைச் செய்வதற்கு அவன் தன் திறனை மேம்படுத்திக்கொள்ள வேண்டியுள்ளது. அதற்காக முழுமையான, கடுமையான சோதனை (பரீட்சை) வைக்கப்படுகிறது. எல்லோருக்கும் சும்மாவே ஐ.ஏ.எஸ். தரமுடியுமா? பெரிய பரீட்சை வைக்கப்படுகிறது. அதில் தேறினால்தான் கலெக்டராக முடியும். ஏன் என்றால்.. கலெக்டருக்கு ஏகப்பட்ட வேலை இருக்கின்றன. பரீட்சையில் தேறினாலும் அதற்கு மேலும் தயார்படுத்த வேண்டியுள்ளது. அப்படி தயார் செய்யப்படும்பொழுது அதற்காக ஓட வேண்டுமல்லவா? ஓடுவது கஷ்டமான வேலை. படிப்பது கஷ்டமான வேலை. தூங்காமல் இருப்பது கஷ்டமான வேலை. உணர்வுகளை அடக்குவது கஷ்டமான வேலை. இதுபோன்ற சந்தர்ப்பங்களில்தான் ஒரு ஊக்குவித்தல் தேவைப்படுகிறது.

அப்படியானால் நான் யாரையெல்லாம் ஊக்குவிக்க வேண்டும்?

  என் அண்ணன், தம்பி, அக்கா, தங்கை, என் பிள்ளைகள் ஆகியோரையே முதலில் ஊக்குவிப்பு செய்ய வேண்டும். பிறகு என்னைச் சுற்றியுள்ள கிராமத்தவர்களை. அதன்பிறகு என் நகரம், என் மண்ணை ஊக்குவிக்கிறேன். கடைசியாக மனித இனத்தை ஊக்குவிக்கிறேன். அது ஏன்? சுற்றுச்சூழலை பாதுகாப்பாக வைத்துக் கொள்வதற்காக செய்ய வேண்டியுள்ளது. இல்லையென்றால் யார் கஷ்டப்பட போகிறார்கள்? ஒட்டுமொத்த சமூகமுமே பாதிக்கப்படும். ஏனெனில் அதை தனியொரு மனிதனால் காப்பாற்ற முடியாது. எல்லோரும் இணைந்தால்தான் சுற்றுச்சூழலை காப்பாற்ற முடியும். ஆக, தனி மனிதனிடம் தொடங்கி, தேசங்கள் கடந்து ஒட்டுமொத்த பிரபஞ்சம் வரை பாதுகாக்க ஊக்குவித்தல் என்பது தேவைப்படுகிறது. இதில் என் பணி என்னவென்றால், “நீ இதை, இப்படி கையாள வேண்டும். இதற்கெல்லாம் தேவையான பங்களிப்பிற்கு வேறு நபர்கள் இல்லை உன்னைத்தவிர” என்று ஒரு நபரை தயார் செய்கிறோமே இதன் பெயர்தான்ஊக்கப்படுத்துவது. இதில் கண்டிப்பாக Role Hierarchy(படிநிலை பங்களிப்பு) உண்டு. Role Hierarchy – ன்னா பெரிய ஆள், சின்ன ஆள் என்பதெல்லாம் வந்து விடுகிறது. நிறைய பள்ளிகளில் நான் பேசும்போது,”நீங்கள் எல்லோரும் இங்கே நண்பர்களாக அமர்ந்துள்ளீர்கள். உங்களில் இருந்துதான் டாக்டராக,  நர்ஸாக, இன்ஜினியராக, மேஸ்திரியாக, கலெக்டராக வரப்போகின்றனர். அந்த கலெக்டருக்கு உதவியாளரும் இங்கிருந்து தான் வரப்போகிறார். ஒரே பள்ளியிலிருந்து இரண்டு பேரும் வருவதற்கான வாய்ப்பு நிறையவே உள்ளது. ஆனால், இவையெல்லாம் எந்தப் புள்ளியில் இருந்து வேறுபடத் தொடங்குகின்றன? படிப்பிலிருந்துதான் வேறுபடுகின்றன. அதன் பின்னர் திறமை. ஆக, ஊக்குவித்தலின் முதல் வேறுபாடு படிப்பிலிருந்து தொடங்குகிறது.

------------------------------------------------------